Холивудскиот актер Кијану Ривс и неговата девојка Александра Грант во саботата се појавија на гала MOCA 2024.
Во саботата вечер, 59-годишниот актер и неговата пет години помлада партнерка позираа на црвениот тепих и го украдоа целото внимание.
Медиумите пишуваат дека инаку повлечениот пар, подоцна размениле нежности.
Некои обожавателите искоментираа на социјалните мрежи дека Кијану воопшто не старее и дека изгледа како 20-годишно момче.
Инаку, Кијану и Александра последен пат заедно беа фотографирани во јавност во ноември 2023 година.
– Добрата работа во заљубувањето како возрасен е тоа што ја градиш сопствената кариера пред да започне врската. Така беше. Се чувствувам многу самоуверено во мојата врска, се чувствувам самоуверено на црвениот тепих и како пар и сама“, изјави претходно Александра за магазинот „Пипл“. Додала и дека Кијану ѝ е голема мотивација.
Грант и Ривс ретко се појавуваат заедно на јавни настани, но кога се појавуваат, со задоволство позираат на црвениот тепих. Тие двајца се блиски со години, а соработуваа на книгата Ода на среќата, напишана од Ривс, а илустрирана од Грант.
Со текот на годините нивното пријателство се претвори во романса, но не сакаат јавно да зборуваат за својата љубов. Александра е уметник и филантроп од Лос Анџелес, која изложувала низ целиот свет. Родена во Охајо, таа е уметник откако дипломирала на колеџот Свартмор во 1994 година.
