Модната ревија на Марк Џејкобс неодамна се одржа во Њујорк, а ѕвезди од различни сфери на уметноста присуствувале на дефилето на манекенките.
Меѓутоа, ќерката на пејачката Мадона, Лурдес Леон, иако сакала да биде дел од јавниот свет таа посебна вечер, пристапот ѝ бил оневозможен.
Како што пренесува „Дејли мејл“, Лурдес Леон била одбиена од страна на обезбедувањето пред самиот влез на ревијата, а причината за тоа, како што пишува споменатиот медиум, било доцното доаѓање на младата моделка.
Видео-материјалот од целокупната случка се прошири на социјалните мрежи, а многубројни корисници на Твитер биле шокирани од постапката на вработените на ревијата. Овој потег го карактеризирале како јавно срамотење на ќерката на Мадона.
„Ова е ќерката на Мадона, зарем тоа не е доволно за да ја пуштите да влезе?“, гласи описот на видеото.
ФОТО: Инстаграм
