Како ќе го започнеме нашето утро одредува како ќе ни биде денот, а тоа вклучува и што јадеме за појадок.
Не е тајна дека некои намирници е попаметно да се избегнуваат, особено кога станува збор за здравјето на нашето срце. Кардиологот Ник Вест за Парад откри што појадува, но и кои опции ги избегнува.
„Во појадокот редовно внесувам овошје кое е богато со растителни влакна и минерали и малку шеќер. Тоа се бобинки, јаболка, понекогаш ананас, често во комбинација со јогурт со малку маснотии и гранола (крцкави мусли)“, рече тој.
Понекогаш се почестува со пржени јајца со авокадо на интегрален тост, но не секој ден.
„Иако сите овие намирници се здрави, избегнувам да консумирам авокадо и јајца секој ден поради нивната содржина на масти и холестерол“, додава д-р Вест.
Други намирници кои треба да се избегнуваат вклучуваат преработено месо, полномасни млечни производи и храна богата со холестерол.
Што се однесува до пијалоците, тој советува кафето да го започне денот, а потоа соковите од цвекло и шипинка, пренесува Index.hr.
