Исчезна рускиот пратеник Адам Делимканов(53), близок соработник на чеченскиот лидер Рамзан Кадиров. Според Кадиров пак, неговиот „брат“ починал и нема да се врати.
Тој во својот пост на Телеграм бара од украинските служби да му дадат информации за тоа кои позиции биле мета на нападот, за да оди да го земе својот „брат“.
Руската Дума излезе со изјава дека Делимканов е повреден, но не соопшти повеќе детали. Некои украински медиуми пренесоа дека е мртов, а украинскиот коментартор Кирил Сазонов на Фејсбук напиша дека единицата каде се борел Делимканов била нападната од артилериски оган.
Тој лани беше одликуван со највисоките почести на Чеченија за учество во борбите во украинскиот регион Донбас.
