Португалскиот стопер Тиаго Џало е нов играч на Јувентус, соопшти клубот од Торино.
Португалецот потпиша договор со „Старата дама“ до летото 2026 година со опција за продолжување на уште две сезони.
Џало дојде во Италија од Лил за 3,6 милиони евра фиксни, плус 1,5 милиони преку бонуси.
Младиот фудбалер беше желба на Интер и Милан, за чиј младински тим настапуваше во текот на 2019 година.
Сепак, тој го избра Јувентус, кој моментално е на второто место во Серија А, веднаш зад Интер кој е на првото место.
Така Старата дама доби засилувања кои можат да бидат решавачки за освојување на „скудетото“.
