Српската водителка Јована Јеремиќ често ја истакнува својата самодоверба, која меѓу другото доаѓа и од нејзиниот изглед, со оглед на тоа што активно тренира.
Како што опиша водителката, таа има тело на 18-годишна девојка, со оглед на резултатите што ги презентирала.
– Денеска е постигната уште една лична цел – 54 килограми. Висцерална маст (внатрешна маст околу органите) -1, како да сум фитнес тренер или натпреварувач. Масти – 17,8. Моето тело има 18 години – напишала Јеремиќ на Инстаграм, заедно со фотографија на која ужива во шолја чај.
Таа неодамна изјави дека многу внимава што внесува во организмот.
– Водам сметка за тоа што јадам. Сфатив дека ако јадам што сакам, ќе изгледам како орман со три врати. Меѓутоа, во последните три месеци се здебелив два килограми, што не се гледа на телевизија, но јас сум свесна за тоа, бидејќи секое утро се мерам на вагата. Затоа веднаш почнав да се хранам по совет на нутриционистот и за една недела го изгубив вишокот! Сега треба само да ја одржувам тежината – изјавила водителката која вели дека отсекогаш била предизвик за мажите.
– Како девојка имав 58 килограми. Отсекогаш сум била привлечна и секси за мажите. Додека студирав, тие реагираа на мене, иако никогаш не се средував. Во тој период најмногу вложував во своето знаење и не ми беше важно како изгледам. Меѓутоа, кога завршив четврта година на Правниот факултет, сфатив во каков свет живееме. Ако сакам да направам нешто, морам да станам мачка – изјавила Јована.
Во својата емисија „Утро со душа“ водителката неодамна јавно ја советуваше Драгана Мирковиќ да ослабе.
– Драгана мора да ослабе, да најде стилист и да работи на себе, се опуштила и ова е резултатот. Јас ја сакам, зборувам искрено затоа што така треба да зборуваат пријателите – рекла Јована, истовремено негативно коментирајќи го Тони Бијелиќ од кого се разведе Мирковиќ.
