Израел формира итна влада и кабинет за управување со војната, објавија во средата премиерот Бенјамин Нетанјаху и лидерот на Партијата за национално единство Бени Ганц, пренесува Си-Ен-Ен.
Ганц, поранешен министер за одбрана, ќе им се придружи на Нетанјаху и актуелниот министер за одбрана Јоав Галант во „кабинетот за управување со војната“, се вели во заедничката изјава на Нетанјаху и Ганц.
Владата нема да носи закони или одлуки кои не се однесуваат на водењето на војната, се наведува во соопштението.
Според Си-Ен-Ен, ова имплицира дека контроверзната судска реформа нема да се придвижи додека е на сила вонредната влада.
Нема индикации дека опозицискиот лидер Јаир Лапид и неговата партија Јеш Атид ќе се приклучат на владата.
