По десетчасовна дискусија, хрватскиот Сабор ја изгласа третата влада на Андреј Пленковиќ, поранешен и иден премиер и претседател на Хрватската демократска заедница (ХДЗ).
За Владата формирана од ХДЗ со десничарското движење Татковина, а во која нема претставник на српското национално малцинство гласаа 79 пратеници, 61 беа против, а еден воздржан.
На вчерашната седница присуствуваа 141 пратеник.
Пленковиќ синоќа до Собранието го достави списокот на министри и програмата на новата влада, во која беше наведено дека приоритетите на новата влада се успешна, витална, праведна, одржлива и суверена Хрватска.
Меѓу другото, како цели се наведени растот на просечната плата од сегашните 1.250 евра на 1.600 евра и поттикнување на отворање на 125.000 работни места.
