Претседателот на италијанската влада побара хемиска кастрација за напаѓачите кои групно силувале тинејџерка во јавниот тоалет на паркот Вила Белини во градот Катанија. Матео Салвини, лидерот на италијанската десница, рече дека 13-годишното девојче било „силувано од група од седум Египќани“ и дека може да има „само еден лек: хемиска кастрација“, што неговата партија Лега наскоро ќе ја предложи.
– Остануваме цврсто на идејата дека ни треба хемиска кастрација за силувачите и педофилите, доживотен затвор за слични епизоди, како и поголема безбедност во нашите градови – изјави европратеничката Аналиса Тардино.
Во паркот Вила Белини во Катанија, Сицилија на 30 јануари околу 19:30 часот е силувано 13-годишно девојче додека се шетала со своето 17-годишно момче. Група млади Египќани на возраст од 15 до 19 години насилно ги внеле девојката и нејзиното момче во јавен тоалет, каде што некои од нив го држеле момчето додека други ја силувале девојката.
Седуммината осомничени, од кои тројца се малолетни, наводно илегално влегле во Италија во периодот од ноември 2021 до март 2023 година како „малолетници без придружба“, објави Ла Република. Тардино ги повика осомничените „веднаш да се вратат во својата татковина“.
– Во Египет никогаш не би дозволиле такво однесување. Безбедноста на нашите деца мора да биде на прво место – истакна Тардино.
Италијанската премиерка Џорџа Мелони, која викендов престојуваше во Катанија во однапред договорена посета, изјави дека е шокирана од грозниот чин. Таа изрази сочувство до жртвата и нејзиното семејство и вети дека „правдата ќе биде задоволена“.
Девојката рекла дека двајца од обвинетите ја грабнале, а другите го држеле нејзиното момче.
Во својот исказ девојката кажала дека се обидела да се ослободи, како и нејзиното момче, но тие не успеале да ги совладаат седумината напаѓачи. Двајца од нив ја силувале додека другите гледале.
– И го натераа и моето момче да гледа. Вискаше, беше очаен. Им реков на напаѓачите: ве молам, ве молам, не ме повредувајте, пуштете ме – сведочела девојката за страшниот напад.
Силувањето траело 30 минути, додека додека момчето и девојката не успеале да се ослободат и да побегнат. Тие веднаш ги алармирале карабинерите, кои успеале да ги фатат напаѓачите за 24 часа. Жртвата идентификувала двајца малолетни сторители на силување, соопшти вчера полицијата. Нејзиното момче ги идентификувало останатите пет, пренесува весникот Кориере.
Според обвинителството во Катанија, седуммина осомничени се обвинети за групно сексуално насилство.
Двајцата осомничени наводно помагале во истрагата. И двајцата велат дека го гледале нападот, но тврдат дека не ја силувале девојката. Уапсени се четворица возрасни лица, додека тројца малолетници се задржани во Првиот прифатен центар во Катанија. Еден од малолетниците се обидел да избега, но бил фатен кога се вратил дома за да земе облека, пишува Ла Република.
