Силна снежна бура го зафати источниот дел на Канада. На некои места снежната покривка достигна и до еден метар што го парализира животот во овој дел од земјата.
Поради невремето отежнат е сообраќајот, продавниците, училиштата и институциите се затворени, а има и прекини во снабдувањето со електрична енергија.
Во регионот Кап Бретон е прогласена вонредна состојба поради снегот.
Властите во најтешко погодената провинција Нова Шкотска ја повикаа армијата од соседните провинции Островот Принц Едвард и Њу Бранзвик да помогне во справувањето со снежните наноси.
