Интер и Манчестер Сити утревечер ќе играат во финалето на Лигата на шампионите во Истанбул.
Англискиот шампион е голем фаворит, но италијанскиот тим се надева дека може да стигне до трофејот.
Тренерот на „нероаѕурите“ Симоне Инзаги сигурно има план како да се му се спротистави на Пеп Гвардиола, а „Скај Спорт“ ги откри неговите намери.
Инзаги по последниот тренинг донел одлука за стартните единаесетмина.
И покрај несогласувањата со Босанецот, Един Џеко ќе добие предност од првата минута пред Ромелу Лукаку. Белгиецот, и покрај врвната форма во којашто се наоѓа, сепак ќе чека шанса од клупата и најверојатно ќе влезе во второто полувреме.
Во средниот ред улога на стартер ќе добие и Марсело Брозовиќ пред Хенрик Мхитарјан, а со него ќе играат Николо Барела и Хакан Чалханоглу.
Веројатен состав на Интер: Онана, Дармијан, Ачерби, Бастони, Дамфрис, Барела, Брозовиќ, Чалханоглу, Димарко, Мартинез, Џеко.
