Поранешниот пакистански премиер Имран Кан е осуден на 10 години затвор за случајот во кој беше обвинет за оддавање државни тајни.
Кан, кој беше сменет од премиерската функција од неговите противници во 2022 година, веќе отслужува тригодишна затворска казна откако беше осуден за корупција.
Одлуката ја објави судијата на Специјалниот суд, Абул Хаснат Зулкарнаин за време на сослушувањето во затворот Адиала во Равалпинди.
Во истиот случај на 10 години затвор беше осуден и поранешниот министер за надворешни работи Шах Махмуд Куреши.
Кан сите обвинувања против него ги нарече политички мотивирани. Оваа пресуда доаѓа додека земјата се подготвува за избори на 8 февруари.
фото: ЕПА
