Американскиот милијардер Илон Маск ја осуди изјавата на американскиот претседател Џозеф Бајден, кој го критикуваше Конгресот за неподготвеноста да ја поддржи Украина.
– Време е да се запре оваа кланица – напиша Маск на социјалната мрежа Х осврнувајќи се на конфликтот во Украина.
Според него, тоа требало да се направи пред една година. Маск го соопшти ова еден ден по интервјуто на рускиот претседател Владимир Путин со американскиот новинар Такер Карлсон, во кое тој изјави дека Русија е подготвена да преговара од почетокот на конфликтот во Украина.
Претходно, на средбата со германскиот канцелар Олаф Шолц, шефот на Белата куќа рече дека „неможноста на Конгресот да ја поддржи Украина, доколку тоа се случи, е блиску до криминално запоставување“. Бајден посочи дека тоа е „нечуено“.
Горниот дом на американскиот Конгрес моментално го разгледува предлог-законот за распределба на средства од буџетот за помош на сојузниците на САД, вклучително и за Украина, за што Бајден бара 60 милијарди долари.
Маск претходно го критикуваше предлог-законот на американскиот Сенат, кој предвидува доделување повеќе средства за помош на Украина отколку за заштита на сопствените граници од приливот на илегални мигранти.
