Актерот, шоумен и водител Игор Џамбазов е голем љубител на животните. Џамбазов до неодамна ја имаше својата мачка Емче, која, за жал, умре во септември 2023 година.
Игор сега има нов домашен миленик, кучката на која ѝ го дал името Ферхунде Граникова, a за која се грижел во Дојран и ѝ носел јадење изминатиот период.
Џамбазов се пофали дека ја вдомил Ферхунде во видео на Инстаграм.
„Од денес Ферхунде Граникова започна нов живот. Далеку од опасните дојрански улици, по кои камионите шибаат стотка на саат. Далеку од лошото друштво во Сретеново со кое за жал се дружеше, со бурен ноќен живот и лаење по ѕвездите до пет сабајле.
Утрово ја сместивме во патничко возило и ја однесовме во нејзиниот привремен дом, во Гевгелија, кај тета Александра и чичо Коко. Тие ќе ја исчистат од паразити во мешето, крлежи по крзното, па бањање, па малку козметика, па шетање, па лапачка, па на крајот мирен сон.
А кога Ферхунде конечно ќе дипломира, се враќа во родниот крај каде што ќе живееме среќно до крајот на мојот живот“, напиша Игор.
ФОТО: Инстаграм
