Руската новинска агенција РИА на својот канал Телеграм сподели слика од Роман Абрамович кој присуствува на разговорите меѓу руската и украинската делегација во Истанбул.
Портпаролот на сопственикот на Челзи изјави дека Абрамович се сомнева дека бил отруен за време на претходната рунда преговори.
Се вели дека имал болки во очите и лупење на кожата.
Извор близок до Абрамович изјави за Би-Би-Си дека тој сега закрепнал и е фокусиран на преговорите за ставање крај на војната.
Точната природа на улогата на Абрамович во разговорите е нејасна, но портпаролот претходно изјави дека неговото влијание е „ограничено“.
„Оние кои преговараат со Русија да не јадат и пијат со нив по извештајот за труењето на рускиот милијардер Роман Абрамович и украинските преговарачи“, предупреди украинскиот министер за надворешни работи Дмитриј Кулеба.
„Ги советувам сите кои учествуваат во преговорите со Руската Федерација да не јадат и пијат ништо и, доколку е можно, да избегнуваат да допираат каква било површина“, рече Кулеба, пренесува Sky News.
Тоа го изјави непосредно пред почетокот на преговорите меѓу украинската и руската страна во Турција.
