Добриот сон е клучен за нашето општо здравје, не само физичко, туку и ментално, а положбата во која спиеме влијае и на квалитетот на нашиот одмор.
Хиропрактичарката Сара Џејн изјавила дека најлошата положба за спиење е на стомак, кој го избираат околу седум отсто од луѓето.
Мнозинството сепак избира да спие на страна, а околу 38 проценти претпочитаат да спијат на грб.
Но, зошто не се препорачува да спиете на стомак? Според Клиниката во Кливленд, постои ризик од болки во вратот, грбот и рамото.
Во написот на клиниката во Кливленд за основите на здравјето, хиропрактикот Ендрју Бенг го споредил ‘рбетот со автомобил, а кога човек спие на стомак ја губи природната кривина на рбетот, пренесува Нови лист.
Спиењето на стомак исто така бара вртење на главата во една или друга насока додека лежите, што може да предизвика болка во вратот.
Оваа поза носи и ризик од болка во рамото бидејќи природно ги кревате рацете додека одмарате, што додава напнатост на рамената и рацете.
Експертите генерално се согласуваат дека спиењето на грб или на страна е подобро од спиење на стомак.
Според Клиниката во Кливленд, спиењето на грб е најдобриот начин да избегнете дополнителен притисок на ‘рбетот.
Но, експертите од клиниката Мајо предупредуваат дека тоа не е најдобриот избор за луѓето кои се борат со апнеја при спиење или грчењето.
Спиењето на страна е најдобро за луѓето со проблеми со грбот или вратот, бидејќи експертите велат дека спиењето на ваша страна помага и за дишењето и за држењето на телото.
Страната на која спиете е исто така важна.
На пример, спиењето на десната страна е подобро за луѓето со срцеви проблеми бидејќи оваа положба го спречува движењето на срцето за време на спиењето.
За луѓето со дигестивни проблеми, сепак се претпочита да спијат на левата страна бидејќи таа положба не создава дополнителен притисок на стомакот.
