Холандскиот производител на пиво Heineken е уште еден во низата големи брендови кои ја напуштаат Русија.
Heineken престанува со продажба, производство и рекламирање во Русија.
Исто така, ќе преземе итни чекори за да ги заштити своите руски операции од поширокиот бизнис и повеќе нема да „прифаќа никаква нето финансиска корист што произлегува од руските операции“. Heineken веќе ги објави плановите за стопирање на сите нови инвестиции и извоз во Русија.
Во соопштението се вели: „Ги проценуваме стратешките опции за нашата иднина во Русија. Гледаме јасна разлика меѓу потезите на владата и нашите вработени во Русија. Повеќе од 20 години, нашите локални вработени се ценети членови на бизнисот на Heineken. Поддршката на нашите вработени и нивните семејства е јасен принцип додека го дефинираме патот кон иднината“.
Хајнекен, исто така, рече дека ќе ја засили поддршката и донациите за невладините организации кои работат во Полска, Унгарија, Романија и Словачка.
