Ѕвездата сака да готви, а и се придружуваат и членовите на нејзиното семејство. Во текот на летото научила многу трикови, со помош на кои храната е уште повкусна.
Актерката Гвинет Палтроу не го крие својот ентузијазам за готвење и ги пренесува своите вештини на своето тинејџерско дете со поранешниот сопруг, пејачот Крис Мартин. Од летото 2018 година таа е во брак со Бред Фалчук, кој исто така има две деца од претходниот брак, па често е многу разиграно и весело во нивниот дом. Кога станува збор за готвењето, актерката повеќе пати потенцираше дека оброците сама ги подготвува, а го откри и својот трик и омилен рецепт. Целото семејство сака тестенини, особено со сос од карбонара, кој Гвинет го подготвува на свој начин, а еве го нејзиниот рецепт.
Состојки што ќе ви требаат:
250 грама тестенини (шпагети, пени, полжави…)
3 јајца
2 чешниња лук
4 супени лажици маслиново масло
сол и бибер по вкус
100 грама сланина или панцета
3 лажици рендан пармезан
1 дл вода, во која се свариле тестенините
Подготовката на вкусното јадење започнува со варење на тестенините. Во топла и посолена вода протресете ги тестенините и варете ги според упатството на пакувањето. Додека се варат тестенините, на маслиново масло пропржете ја исечената сланина и панцетата додека не станат крцкави, а потоа додадете ги исечканите чешниња лук.
Во друг сад изматете ги јајцата, додадете рендан пармезан и сè измешајте. Кога тестенините ќе се сварат и исцедат, додајте ги уште топли во садот со јајцата и брзо измешајте. Додадете пржена сланина со лук, а Гвинет препорачува садот да се прелие со децилитар вода во која се варени тестенините – ова е нејзиниот трик кој го прави сосот покремаст и погуст.
