Резултатите од изборите не се потврдени. Некои работи се јасни, како убедливиот пораз од Бакир Изетбеговиќ и победите на Комшиќ и Цвијановиќ во трката за место во Претседателството на БиХ. Во Република Српска, судејќи според однесувањето на кандидатите и ажурираните резултати на ЦИК, се уште не е јасно кој ќе биде претседател и потпретседател на РС.
Милорад Додик рано утринава прогласи изборна победа во трката за претседател на РС, а истото го направи и неговата противкандидатка Јелена Тривиќ.
За време на изборната ноќ и двајцата славеа, а големо внимание на социјалните мрежи предизвика објавата на синот и ќерката на Додик, Игор и Горица. Изборните резултати ги прославија облечени во маици со Милорад Додик и Владимир Путин на нив.
Путин, претседател на земја која врши брутална агресија на територијата на Украина и чии постапки ги осуди речиси целиот цивилизиран свет, е еден од политичките идоли на Милорад Додик. Додик неколку дена пред изборите имаше средба со рускиот претседател во Русија, тој е еден од ретките државници од Европа кои го посетија Путин.
