Голем пожар избувна денеска над селото Марвинци во Општина Валандово, близу археолошкиот локалитет Исар, информираше РЦУК Струмица.
„Гори сува трева и прнар. На терен се излезени 3 ПП возила и 8 пожарникари и на помош се повикани од ТППЕ Гевгелија со 1 ПП возило и 3 пожарникари. Постои опасност пожарот да се прошири кон селото, а во близина на пожарот има штали. Во моментот има уште еден активен пожар на територија на Општина Валандово во село Чалаклија. Гори сува трева и пожарникарите се на терен. Поради поголема опасност, акцент се става на првиот пожар“, се вели во соопштението.
