Нуклеарната фузија произведе најмногу енергија досега во еден експеримент во лабораторијата JET, со седиште во Велика Британија, со што светот е чекор поблиску до сонот за неограничена чиста енергија, пишува Би-Би-Си. Нуклеарната фузија е процес кој им дава енергија на ѕвездите. Научниците веруваат дека може да произведе огромни количества енергија без да ја загрее атмосферата.
Европските научници кои работат во лабораторијата рекоа дека постигнале нови важни резултати. Резултатот е постигнат во најновиот експеримент на лабораторијата по повеќе од 40 години истражување за фузија. Во овој процес, парови од ситни атомски честички се загреваат и се комбинираат за да се направи една потешка честичка која ослободува корисна енергија.
Ако успешно се зголеми на комерцијално ниво, може да се произведат бескрајни количини чиста енергија без јаглерод. И најважно, за разлика од енергијата на ветерот и сончевата енергија, таа не би била на милост и немилост на времето.
Сепак, д-р Анека Кан од Универзитетот во Манчестер вели дека не е толку едноставно. „За да дојде до фузија на атомите на Земјата, потребни ни се температури десет пати повисоки од оние на Сонцето – околу 100 милиони степени Целзиусови, а исто така ни треба доволно висока густина на атоми за доволно долго време“, објасни таа.
Експериментите произведоа 69 мегаџули енергија за пет секунди. Тоа е доволно енергија за само четири до пет топли бањи – значи не е многу, пишува Би-Би-Си. Светот е сè уште далеку од електрани со нуклеарна фузија, но со секој експеримент е чекор поблиску.
„Постигнавме резултати кои досега не сме можеле да ги забележиме.
Проф. Овие резултати навистина ја нагласуваат силата на меѓународната соработка и не би биле можни без работата на стотици научници и инженери од цела Европа“.
Објектот Joint European Torus (JET) беше изграден во Калхам, Оксфорд кон крајот на 1970-тите и до крајот на минатата година го имаше најнапредниот експериментален реактор за фузија во светот. Сите експерименти престанаа во декември.
Реакторот требаше да биде оперативен само десет години, но повторените успеси доведоа до продолжување на неговиот животен век. Резултатот објавен денеска е три пати поголем од она што беше постигнато на слични тестови во 1997 година.
Професорот Амброџо Фасоли, програмски менаџер во EUROfusion, рече: „Нашата успешна демонстрација влева поголема доверба во развојот на енергијата на фузија. Покрај тоа што поставивме нов рекорд, успеавме да постигнеме резултати што не можевме да ги забележиме претходно и го продлабочивме нашето разбирање за физиката на фузијата“.
