Новак Ѓоковиќ, најдобриот тенисер на светот, на кинески јазик ја честиташе кинеската Нова година која се славеше во петокот.
„Среќна лунарна нова година на сите ширум светот кои ја слават Годината на Змејот. Ви посакуваме среќни и безбедни прослави“, рече Ѓоковиќ.
Кинеската или лунарната Нова Година се дочекува според лунарниот календар, втората млада месечина по зимската краткоденица, па најчесто се паѓа на крајот на јануари или почетокот на февруари.
Во самата Кина се нарекува пролетен фестивал, додека во околните земји кои го слават има некои други имиња.
Ѓоковиќ неодамна беше поразен во полуфиналето на Австралија опен каде Јаник Синер беше подобар од него во четири сета.
