Поранешниот светски рекет број еден Новак Ѓоковиќ во четвртокот објави дека нема да може да отпатува во Њујорк на последниот грен слем турнир од сезоната УС Опен, кој започнува следната недела.
За жал, не можам да отпатувам во Њујорк на УС Опен“, напиша Ѓоковиќ на Твитер пред објавувањето на ждрепката на УС Опен. „Среќно за другите тенисери! Ќе останам во добра форма и позитивен дух и ќе чекам уште една шанса повторно да се натпреварувам“.
Американскиот закон не дозволува невакцинирани странци, вклучувајќи го и Ѓоковиќ, да влезат во земјата. Тоа ќе биде втор Грен слем во сезоната што белграѓанецот ќе го пропушти откако австралиските власти го вратија во Србија непосредно пред почетокот на Австралија опен.
