Германскиот RTL објави текст со наслов „Хрватска нè ограбува! Две евра за топка сладолед?“ и ја разгледува можноста летниот одмор во Хрватска да стане резервиран само за оние со подлабок џеб.Анализирајќи ги цените на хрватското крајбрежје, RTL го поставува прашањето дали Хрватска ќе остане достапна за мнозинството туристи или ќе стане дестинација резервирана за богатите. Значително поскапување има и на различни услуги, меѓу кои и ресторани и угостителски објекти.
Според RTL, може да се забележи дека трошоците во Хрватска значително се зголемени. Дури и за основни работи како топка сладолед, туристите сега мора длабоко да копаат во нивните џебови. Сепак, ова поскапување не е ограничено само на сладолед – значително се зголемија и цените на храната, пијалоците и оброците во рестораните, пишува германскиот портал.
Хрватска некогаш беше популарна по пристапните цени, привлекувајќи туристи од целиот свет. Сепак, ситуацијата се промени, а земјата стана една од најбараните дестинации за одмор. Сега прашањето е дали овој тренд е одржлив во поглед на растот на цените, продолжуваат Германците. На пример, во Дубровник цената на топка сладолед достигна и до пет евра, додека во Ровињ за плескавица се плаќа 22 евра. Се наведува и примерот на Шибеник, каде што цената на Aperol Spritz за деца е 11 евра.
Статијата ги истражува причините за ова зголемување на цената. Еден од факторите е високата стапка на инфлација во Хрватска во споредба со другите земји од Европската унија. Исто така, се забележува дека последиците од пандемијата се уште се чувствуваат, а воведувањето на еврото на почетокот на годината дополнително влијаеше на корекција на цените.
Како заклучок, RTL пишува дека високите цени не се само во Германија и сугерира дека уживањето во омилените деликатеси како коктели или сладолед може да стане луксуз за многу туристи, без разлика на дестинацијата – било да е тоа во Германија, други земји или на одмор во Хрватска. .
