Германија во средата објави дека се приклучува на операцијата „воздушен транспорт“ заедно со неколку други земји за да се донесе очајно потребната хуманитарна помош во Појасот Газа, пренесува АФП.
Неколку други земји, вклучително и Франција и САД, веќе учествуваат во операцијата што ја започна Јордан.
Министерството за одбрана најави дека ќе го распореди германскиот дел од заедничката германско-француска ескадрила за авиосообраќај за учество во мисијата. Тимот е опремен со транспортни авиони Ц-130Ј Херкулес, соопшти Министерството, додавајќи дека германската операција би можела да започне најрано кон крајот на оваа недела.
„На луѓето во Газа им недостасуваат најосновните потреби. Сакаме да придонесеме да им обезбедиме пристап до храна и лекови“, рече министерот за одбрана Борис Писториус.
Откако едно лице загина по пад на помош со падобран во Газа на 8 март, министерот се обиде да ги смири стравувањата. „Вистината е дека ослободувањето од воздух не е без опасност. Одговорните тимови се обучени за соодветните процедури и имаат големо искуство“, рече тој.
