Германскиот канцелар Олаф Шолц, чија влада штотуку го отвори патот за делумна легализација на канабисот, вели дека никогаш не пушел марихуана.
-„Не, никогаш“, одговори канцеларката кога новинарите од Sat.1 и ProSieben го прашаа дали некогаш пушел џоинт кога бил помлад.
„Не, ниту еден дим“, рече кога почнаа уште повеќе да го „притискаат“ да одговори. Тој истакна дека и денес му важат причините поради кои како млад не пушел трева.
„Мислам дека ја правиме вистинската работа сега со овој внимателен чекор што го преземаме“, рече Шолц.
Владата во среда на 16 август го усвои предлог-законот за декриминализација на канабисот. „Предлог-законот им олеснува на потрошувачите одговорно да ракуваат со канабисот“, се вели на првата од 183-те страници на нацртот.
Доколку парламентот го усвои овој закон, тој ќе стапи на сила од 1 јануари 2024 година.
Законот директно ќе важи за секој дваесетти жител на Германија, бидејќи, според официјалната статистика, 4,5 милиони полнолетни граѓани пробале канабис барем еднаш.
