Фронтменот на ирската група „U2“, Боно Вокс и гитаристот Еџ вчера одржаа 40-минутен концерт на метро станица во Киев.
Ирската рок-ѕвезда ѝ оддаде признание на борбата на Украина за „слобода“ за време на настапот во метро станицата во центарот на Киев во неделата, каде што фронтменот на „U2“, исто така, упати своја молитва „за мир“.
Од платформата на метро-станицата Крешчатик во Киев, 61-годишниот Боно ги изведе класиците на „U2“ „Sunday Bloody Sunday“, „Desire“ и „With or Without You“.
„Народот во Украина не се бори само за сопствената слобода, вие се борите за сите нас кои ја сакаме слободата“, рече Боно во паузата.
Пејачот се осврна и на минатите конфликти во родната Ирска на бендот и проблемите што ги имаше со помоќниот сосед.
„Се молиме наскоро да уживате малку од тој мир“, рече Боно.
Ненадејната посета на Боно – долгогодишен хуманитарец кој често го дава својот глас за различни причини, вклучително и борбата против сиромаштијата и сидата — дојде додека сирените за воздушни напади одекнаа во главниот град на Украина и борбите беснееја на истокот на земјата.
На Боно му се придружи украинскиот пејач во воена униформа, Тарас Тополија од групата „Антитила“, за да ја испее старата соул стандард „Stand By Me“, но зборовите ги промени во „Stand By Ukraina“.
Боно настапи заедно со гитаристот на U2 „The Edge“ пред мала група обожаватели, вклучително и изморени членови на вооружените сили на Украина.
„Тоа се некои добри емоции, тоа е сè“, рече припадник на украинските територијални сили во публиката.
