Франција наскоро може повторно да се врати во календарот на Формула 1. Иницијативатта доби силна поддршка и од францускиот претседател Емануел Макрон.
Француските медиуми објавија дека градоначалникот на Ница, Кристијан Естроси, побарал поддршка од Макрон за ова прашање. Претседателот дал позитивен одговор и им дал овластување на Естрози и на шефот на Француската автомобилска федерација, Николас Дешо, да преговараат со раководството на Ф1.
– Нашата земја, која секоја година е домаќин на големи меѓународни натпреварувања, мора да биде способна повторно да се поврзе со Формула 1 за општо добро. Прашање е за атрактивноста на нашата земја, нејзиното влијание врз автомобилската индустрија и иновациите за поддршка на овој сектор, посочил Емануел Макрон.
