Речиси 4,07 милиони луѓе кои ја напуштија Украина поради руската инвазија на 24 февруари 2022 година, имаа статус на привремена заштита во земјите на ЕУ од 30 јуни оваа година.
Според Евростат, најмногу луѓе нашле привремено засолниште во Германија – 1.133.420 (28 проценти) и Полска – 977.740 (24 проценти).
На крајот на мај тој статус го имале 45.800 лица помалку, што е раст од 1,1 отсто за само еден месец. Сепак, и покрај растот на вкупниот број, кој најмногу се одрази во Ирска (зголемување од 3,7 отсто), Чешка (2,7 отсто) и Германија (2 отсто), Полска, но и Италија, забележаа намалување на бројот на новоиздадени решенија за привремена заштита во ЕУ. Во Полска има 13.635 луѓе помалку (1,4 отсто), а во Италија 1.005 (0,6 отсто).
Споредено со населението, најголем број корисници на привремена заштита на илјада лица во јуни 2023 година е забележан во Чешка (32,2), Полска (26,6), Естонија (25,8), Бугарија (24,9) и Литванија (24,7), додека просекот за ЕУ беше 9,1 на илјада жители.
Граѓаните на Украина сочинуваат повеќе од 98 отсто од корисниците на привремена заштита, речиси половина се жени (46,6 отсто), децата сочинуваат нешто повеќе од една третина (34,4 отсто), а мажите помалку од една петтина од вкупниот број (19,0 проценти).соопшти Еуростат.
