Еврокомесарот Борел го поддржа повикот на Гутереш за член 99 од Повелбата на ОН
Високиот претставник на ЕУ за надворешна политика Жозеп Борел го поддржа генералниот секретар на ОН во неговата одлука да се повика на членот 99 од Повелбата на ОН.
Во објавата на платформата X, Борел побара од членките на ЕУ во Советот за безбедност на ОН и партнерите истомисленици да го поддржат генералниот секретар на ОН Антонио Гутереш и неговата итност.
Советот за безбедност на ОН мора веднаш да дејствува за да спречи целосен колапс на хуманитарната ситуација во Газа.
Исто така, го повикувам Израел да им дозволи на сите агенции на ОН, вклучително и постојаната и хуманитарна координаторка на ОН, Лин Хестингс, да обезбедат итна поддршка на цивилите во Газа.
Инаку, членот 99 од Повелбата на ОН вели дека генералниот секретар на ОН „може да го привлече вниманието на Советот за безбедност на секој проблем што, според него, може да го загрози одржувањето на меѓународниот мир и безбедност“.
