Украина синоќа се пласираше во финалето на Евровизија. Бендот „Калуш оркестра“ ја воодушеви публиката ширум Европа и многумина пишуваат дека ситуацијата во Украина не е единствената причина зошто момците имаат толку голема поддршка.
Изборот за песна на Евровизија синоќа беше следен и во дел од Украина, а на Твитер се појави фотографија од нивниот коментатор Тимур Мирошниченко, кој го следеше натпреварувањето и го пренесе на украинската телевизија. Мирошниченко ја емитуваше Евровизија од импровизирано студио во засолниште, а неговата фотографија, објавена на Твитер од британскиот евровизиски новинар Вилијам Адамс, предизвика бурни емоции на социјалните мрежи.
Да потсетиме, Украина е главен фаворит на обложувалниците оваа година, а поддршката кај обложувалниците е рекордна и и дава дури 50 отсто шанси за победа.
ФОТО: Твитер
