Невообичаено голем број тепачки, најчесто со голи раце, но и такви во кои учесниците имале оружје, се пријавени во последниот билтен на МВР во кој се дава евиденција на кривичните дела извршени во последниве два-три дена. Во билтенот има дури 14 случаи на физичка агресија, од кои еден се случил на 17, а другите на 18 и 19 ноември. Честопати цел на нападите се полициски службеници.
Ви ги пренесуваме во продолжение интегрално сите случаи во кои МВР инфомира за, како што ги нарекува, нарушувања на јавниот ред и мир, физички напади и аресивно однесување:
На 19.11.2023 во 03.30 часот во с. Стајковци, скопско, полициски службеници од СВР Скопје го привеле Х.Ц.(21) од с. Стајковци, затоа што го нарушил јавниот ред и мир и агресивно се однесувал кон полициски службеници кои извршувале службени дејствија. По целосно документирање на случајот ќе биде поднесена соодветна пријава.
На 19.11.2023 во 01.40 часот во с.Вевчани, полициски службеници од Полициското одделение Велешта го привеле Н.Д.(18) од Скопје, со живеалиште во с. Вевчани, затоа што го нарушил јавниот ред и мир и агресивно се однесувал кон полициски службеници кои извршувале службени дејствија. По целосно документирање на случајот ќе биде поднесена соодветна пријава.
На 18.11.2023 во 09.15 часот во СВР Охрид, Е.А.(60) од Охрид пријавил дека по претходна расправија бил физички нападнат од С.Д.(71) од Охрид. По документирање на случајот ќе биде поднесена соодветна пријава.
На 18.11.2023 околу 21.30 часот во ОВР Кичево било пријавено дека на ул.„Мирка Настеска” бил нарушен јавниот ред и мир со физички напад извршен од З.К.(39) од Македонски Брод врз Б.М.(35) од Кичево. По документирање на случајот ќе следува соодветен поднесок.
На 18.11.2023 во 22.00 часот во Струмица, полициски службеници од СВР Струмица го лишиле од слобода А.К.(43) од Струмица, затоа што агресивно се однесувал во семејниот дом и се заканувал на неговите родители. По документирање на случајот, против него ќе биде поднесена соодветна пријава.
На 19.11.2023 во 01.07 часот во СВР Скопје било пријавено дека пред угостителски објект на подрачјето на Аеродром, К.Н.(24), С.Н.(48), Д.Н.(44) и Н.С.(19), сите од Скопје, биле физички нападнати од неколку лица. Се преземаат мерки за расчистување на случајот.
На 18.11.2023 во 14.30 часот во СВР Охрид било пријавено дека на улица „11 Октомври” во Кичево, по кратка расправија, бил нарушен јавниот ред и мир со физичка пресметка помеѓу А.Б.(23), А.Б.(30), Е.Б.(46), С.Б.(31) и Џ.Б.(29), сите од Кичево. По документирање на случајот ќе следува соодветна пријава.
На 19.11.2023 во 03.15 часот во СВР Куманово било пријавено дека на ул.„Ленинова”, по претходна расправија, бил нарушен јавниот ред и мир со физичка пресметка помеѓу В.М.(18) од с. Пчиња, кумановско, Б.А.(21) од с.Агино Село, кумановско, Д.В.(22) од с.Режановце, кумановско, Д.П.(32) од с. Пчиња и Ф.С.(25) од с.Агино Село. По документирање на случајот ќе следува соодветна пријава.
На 18.11.2023 во 13.00 часот во ОВР Прилеп, Л.Т.(57) од Прилеп пријавила дека околу 13.00 часот на ул.„Васко Карангелевски” била физички нападната од В.А. – женско лице од Прилеп. Се работи на расчистување на случајот.
На 18.11.2023 во 18.20 часот во СВР Скопје, Л.М.(37) од Скопје пријавил дека на подрачјето на Бит Пазар неговиот малолетен син бил физички нападнат од Ф.И. од Скопје. Се работи на расчистување на случајот.
На 19.11.2023 во 08.00 чaсот во СВР Битола, Д.Л.(32) од Словенија, со живеалиште во с.Ивањевци, пријавил дека околу 04.00 часот во угостителски објект во Битола бил физички нападнат од И.„Н”. Се работи на расчистување на случајот.
На 18.11.2023 во 12.00 часот во СВР Скопје било пријавено дека во с.Раштак, скопско, бил нарушен јавниот ред и мир со физичка пресметка помеѓу Д.В.(62) од с.Раштак и Р.С.(50) од с.Трубарево, скопско. По документирање на случајот ќе биде поднесен соодветен поднесок.
На 17.11.2023 во 18.00 часот во СВР Скопје било пријавено дека во ходник од зграда на подрачјето на Аеродром бил нарушен јавниот ред и мир со физичка пресметка помеѓу Д.П.(47) и Е.К.(36), двајцата од Скопје. По документирање на случајот ќе биде поднесен соодветен поднесок.
На 19.11.2023 во 01.35 часот во СВР Скопје било пријавено дека пред угостителски објект на подрачјето на Аеродром, И.Ц.(42) од с.Орман, скопско, бил физички нападнат од неколку лица, од кои дел имале пиштоли, а дел метални предмети, а кои се обиделе да му одземат пари. Се преземаат мерки за расчистување на случајот.
