Европскиот парламент ќе гласа за Резолуцијата за односите меѓу Србија и Косово на втората октомвриска пленарна сесија во Стразбур во четврток, 19 октомври.
Дебатата за документот, чиј целосен наслов е „Резолуција за последните случувања во дијалогот Србија-Косово, вклучително и ситуацијата во општините на северот на Косово“, се одржа на седницата во вторникот, ден по социјалдемократите од Европскиот парламент побара расправата да се претвори во резолуција.
Пратениците во жестока расправа повикаа да се смири ситуацијата и да се казни Србија доколку се утврди дека стои зад последните вооружени инциденти во селото Бањска.
Предложените мерки се движат од прекинување на состаноците на највисоко ниво, до целосно суспендирање на финансирањето од ИПА3 програмата и големите инфраструктурни проекти.
Во меѓувреме ќе биде објавен нацрт-текстот на Резолуцијата.
