Во експлозија во градот Џанкој на Крим, уништени се руски ракети кои биле транспортирани со железница, соопшти украинското Министерство за одбрана.Ракетите биле наменети за руската црноморска флота, велат од Украина, а нивниот оперативен дострел е повеќе од 2.500 километри на копно и 375 километри на море.
Нападот го продолжува процесот на „демилитаризација на Русија“ и го подготвува Крим за ослободување од руската окупација, се вели во соопштението на Министерството.
Министерството не презеде одговорност за нападот.
Од руска страна нема потврда дека проектилите се уништени.
Сергеј Аксјонов, лидерот на Крим назначен од Русија, рече дека воздушната одбрана соборила украински беспилотни летала во Џанкој.
Аксјонов рече дека едно лице е повредено и дека се оштетени две згради.
