Едно лице загина, а неколку се повредени утринава во експлозија на бомба во Цетиње, недалеку од тамошниот Спортски центар, неофицијално велат за „Вијести“ од Управата на полицијата.
Според неофицијални информации, жртвата била член на криминалниот клан Шкалјар.
Извор од врвот на Полициската управа соопшти дека на повредите им подлегнало уште едно лице, член на истата организирана криминална група.
Новинарката на „Вијести“ Нина Марковиќ изјави дека утрово околу 9 часот одекнала силна експлозија.
Едното лице починало на лице место, додека другото им подлегнало на повредите при транспортот во болница. Најмалку три лица се повредени.
Полициската управа соопшти дека сите расположливи полициски екипи се на терен. На терен се и противпожарните екипи. Од силината на експлозијата искршени се стаклата на околните згради.
