Бананите имаат тенденција брзо да заруменат и да станат мелести. Овој едноставен трик ќе ги задржи посвежи подолго време.
Ако некогаш сте забележале стебла од банани завиткани во фолија во самопослуга и сте се запрашале зошто, одговорот е: да ги одржувате подолго свежи.
Како што објасни готвачката Ева Мејсон во видеото на TikTok, бананите созреваат набргу откако ќе се берат, а тоа е затоа што лачат етилен гас, пишува порталот N1 Белград. Етилен, исто така, предизвикува кожата да стане кафеава. Но, ако стебленцата од банана ги завиткате со пластична или алуминиумска фолија, спречувате ослободување на етилен.
„За уште подобри резултати, одвојте ги бананите и секое поединечно стебленце завиткајте го во фолија“, советува Ева во своето видео. Но, таа сподели уште еден трик со кој ова овошје ќе трае подолго – чувајте го во фрижидер. Студот го забавува зреењето, што значи дека бананата нема да се претвори во каша за само неколку дена. И дури и ако кожата ја промени бојата, плодот сепак ќе остане добар и може да се јаде.
Меѓутоа, ако сте купиле недоволно зрели банани, оставете ги во воздух да созреат правилно. Но, можете да го забрзате созревањето така што ќе ги ставите во сад заедно со јаболката. Тие исто така испуштаат етилен, кој го забрзува зреењето, а исто така ќе им помогне на бананите.
