Новак Ѓоковиќ успешно ја прескокна првата пречка на Ролан Гарос, откако го совлада францускиот тенисер Пјер Иг Ербер и веќе постави нов рекорд на парискиот грен-слем. Интересно е што на најдобриот светски тенисер му беше доволен само еден меч во Париз за да постави нов рекорд со кој Ѓоковиќ сега е недостижен дури и за Рафел Надал.
Впрочем, покрај победата на Ѓоковиќ над Ербер, за потврда на рекордот е важен и поразот на Рафаел Надал од Александар Зверев во првото коло на престижниот турнир. Со овој резултат Ѓоковиќ е убедливо прв на листата на играчи кои никогаш не испаднале во првото коло на вториот грен слем сезонава – има дури 20 настапи и дури 20 победи во првиот меч во Париз.
Од тенисерите кои учествуваа повеќе од 10 пати во сингл конкуренција на Ролан Гарос, само 5 можат да се пофалат со максимален учинок во првото коло, но јасно е дека ниту еден од нив никогаш нема да може да стигне до Новак Ѓоковиќ. Србинот му „бег“ дури 7 меча на второпласираниот Брајан Готфрид, кој играше пред 40 години.
Новак Ѓоковиќ дебитираше на грен-слем турнирот во Париз во 2005 година, а оттогаш секоја година учествува и секоја година стигнува барем до вториот круг. Логично, најслабиот резултат го забележа во првиот настап, кога беше елиминиран во второто коло, но големите успеси дојдоа во следните сезони.
Српскиот тенсиер го освои трофејот во Париз во 2016, 2021 и 2023 година, а во финалињата играше во 2012, 2014, 2015 и 2020 година. Кога се во прашање најголемите ривали на Ѓоковиќ, Рафаел Надал има 19 настапи во Париз, а пред неколку дена првпат беше елиминиран во првото коло на парискиот грен-слем.
Надал како дебитант во главната ждрепка ја освои титулата, а потоа уште 13 пати стигна до пехарот наменет за најдобрите на престижниот Ралан Гарос. Од друга страна, Роџер Федерер никогаш не беше доминантен на земјена подлога, а беше елиминиран три пати во првото коло – во 1999, 2002 и 2003 година.
