More

    Германија и Шкотска денеска ќе го означат стартот на ЕУРО 2024

    spot_img

    Со дуелот меѓу репрезентациите на домаќинот Германија и на Шкотска, вечерва во 21 часот ќе биде означен стартот на европското фудбалско првенство УЕФА ЕУРО 2024. Пред натпреварот ќе има и традиционално отварање на кое ќе му биде оддадена почит и на легендарниот фудбалер Франц Бекенбауер кој почина на 7 јануари годинава.

    Познатата „Алијанц Арена“ во Минхен ќе биде домаќин на отворањето на 17. Европско првенство, кое ќе се одржи од 14 јуни до 14 јули, за кога е закажано големото финале. Ќе се натпреваруваат 24 селекции, а само Грузија се води како дебитант.

    Титулата ја брани Италија, која пред три години славеше во финалето против Англија по подоброто изведување пенали.
    Натпреварите се играат во 10 градови, а секој стадион има своја посебна приказна, од Берлин, преку Минхен, Дортмунд, Штутгарт, Гелзенкирхен, Франкфурт, Хамбург и Дизелдорф, па се до Келн и Лајпциг.

    Првиот дел од натпреварувањето се состои од натпревари во 6 групи со по 4 екипи. Од секоја група во следната фаза напредуваат двете најдобри селекции и четирите најдобри третопласирани селекции, по што започнува нокаут фазата (од осминафиналето).

    Група А: Германија, Шкотска, Унгарија, Швајцарија.

    Група Б: Шпанија, Хрватска, Италија, Албанија.

    Група Ц: Словенија, Данска, Србија, Англија.

    Група Д: Полска, Холандија, Австрија, Франција.

    Група Е: Белгија, Словачка, Романија, Украина.

    Група Ф: Турција, Грузија, Португалија, Чешка.

    Најуспешни селекции на Стариот континент се Германија и Шпанија, кои трипати ја освојуваа титулата, а Германија уште три пати стигна до финалето (во 1976, 1992 и 2008 година).

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img