Врховниот суд на САД го прифати барањето да одлучи дали поранешниот претседател Доналд Трамп може да биде имун од гонење по обвиненијата за обид за поништување на резултатите од претседателските избори во 2020 година.
Ова е првпат судот да одлучи да разгледува ваков случај, а аргументите на Трамп да биде заштитен со имунитет ќе бидат сослушани на 22 април, пренесува CNN.
Специјалниот обвинител Џек Смит го обвини Трамп за заговор чија цел е да ја поништи победата на Џозеф Бајден на изборите во 2020 година и за измама за да остане на функцијата.
Судот во Вашингтон на почетокот на февруари пресуди дека Трамп може да биде кривично гонет под обвинение за заговор и обид за поништување на изборите во 2020 година.
Трамп во голем правен случај тврдеше дека е имун од кривични пријави, наведувајќи го целото негово претседателствување.
Обвинителите тврдеа дека Трамп дејствувал како кандидат, а не како претседател, кога го турнал Конгресот да ги поништи изборните резултати и ги поттикнал своите поддржувачи да го нападнат Капитол на 6 јануари 2021 година.
