Џони Деп отвори сметка на TikTok, тој веќе има речиси четири милиони следбеници
Џони Деп создаде профил на TikTok и собра голем број следбеници за помалку од еден ден.
Имено, моментално го следат 3,9 милиони луѓе, а бројката се зголемува од час во час, пишува Нова.рс.
Деп во описот на својот профил накратко напиша: „Повремен актер“.
Фановите на актерот едвај чекаат тој да објави видео на оваа социјална мрежа.
Да потсетиме, Џони Деп ја тужеше Амбер Херд за клевета, тврдејќи дека тоа му го уништило угледот и кариерата, бидејќи во една колумна објавена од „Вашингтон пост“ во 2018 година напишала дека трпела семејно насилство.
Иако актерката не го спомна познатиот актер, оваа колумна привлече големо внимание, а Деп поради последиците ја поднесе споменатата тужба.
Судењето траеше шест недели.
