Жена во капут вчера отворила оган со пушка во црква во Тексас, по што верниците побегнале. Двајца полицајци кои не биле на должност реагирале и го убиле напаѓачот. Застрелани и повредени се уште две лица, меѓу кои и петгодишно момче кое е во критична состојба, пишува Асошиејтед Прес.
Пукањето се случило нешто пред 14 часот по локално време во црквата Џоел Остин Лејквуд. Жената влегла во црквата со капацитет од 16.000 луѓе заедно со момче кое подоцна беше повредено во престрелка со полицијата.
Повреден е и 57-годишен маж. Деталите за пресметката остануваат нејасни, а полицијата не го соопшти идентитетот на жената или можниот мотив. Исто така, не е познато каков однос имаат жената и момчето и кој всушност пукал во него и во ранетиот маж.
– Ќе го кажам ова. Осомничената го доведе момчето во опасност. Таа е виновна – изјави началникот на полицијата во Хјустон, Трој Финер, на новинарите за време на прес-конференцијата пред црквата.
Момчето е во критична состојба во детска болница, додека мажот е во стабилна состојба во друга болница со рана на колкот.
Црквата во Џоел Остин Лејквуд ја посетуваат 45.000 луѓе секоја недела, што ја прави трета најпосетувана црква во САД. Американските власти предупредија дека последиците можеле да бидат многу полоши доколку пукањето се случело порано, околу 11 часот, кога во црквата имало повеќе луѓе.
Долгогодишниот член на црквата Алан Гити, чие семејство е од Хондурас, рече дека неговата мајка работела како вратар. Кога ги слушнал истрелите, 35-годишникот истрчал кај мајка си и тие легнале на подот и се молеле додека пукањето продолжило.
Началникот на полицијата Финер ја пофали брзата реакција на двајцата полицајци. Полицајците работат за полицискиот оддел во Хјустон. Откако била застрелана, жената напаѓач ѝ рекла на полицијата дека има бомба, но експлозици не биле најдени во нејзиното возило и ранец.
Службите за итни случаи продолжија да ја пребаруваат црквата со часови потоа. Остин рече дека неговата заедница е „уништена“. Тој додаде дека ќе се моли за жртвите и за жената што пукаше и нивните семејства.
– Ќе останеме силни и ќе продолжиме, одејќи напред – заклучи свештеникот.
