More

    Џоел Ембид постигна неверојатни 70 поени во победата на Филаделфија

    spot_img

    Поминаа точно 18 години откако покојниот Коби Брајант постигна 81 поен против Торонто во легендарната вечер, а ноќта помеѓу понеделникот и вторникот НБА ѕвездите знаеја да му оддадат почит – постигнувајќи многу кошеви! Најмногу се истакна центарот на Филаделфија и актуелен МВП, Џоел Ембид.

    Камерунецот, кој ќе игра за репрезентацијата на САД, постигна неверојатни 70 поени во победата на неговиот тим над Сан Антонио Спарс 133:123! Тоа е рекорд на Филаделфија, чиј дрес во богатото минато го носеа великани како Џулиус Ирвинг, Мозес Мелоун, Чарлс Баркли, Ален Ајверсон…

    Тоа е рекорд во кариерата на Ембид, но и рекорд во тековната сезона во НБА. Така, Ембид стана само деветтиот играч во историјата на лигата кој постигнал најмалку 70 поени на еден натпревар. Пред него ваков подвиг направија: Вилт Чембрлен, Коби Брајант, Дејвид Томпсон, Демијан Лилард, Донован Мичел, Дејвид Робинсон, Елгин Бејлор и Девин Букер.

    Џоел Ембид мина помалку од 37 минути на теренот на „Велс Фарго Центарот“, а за тоа време забележа нереален статистички учинок: 70 поени (24/41 од поле, 21/23 слободни фрлања), 18 скока (по 9 во одбрана и напад, исто така рекорд во кариерата), 5 асистенции, 1 блокада, 1 украдена и 1 загубена топка. Ваков учинок во кариерата нема постигнато ни легендарниот Вилт Чемберлен.

    Ембид остана шокиран кога по мечот од новинарите дозна дека само Мајкл Џордан и тој во историјата на НБА забележале натпревар со над 65 поени, 15 скока и 5 асистенции.

    По победата, Ембид своето постигнување му по го посвети на Коби Брајант на социјалните мрежи.

     

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img