Американскиот претседател Џо Бајден е позитивен на коронавирусот, објави во четвртокот Белата куќа, додавајќи дека тој има „многу благи симптоми“.
„Тој е целосно вакциниран и прими две дози и има многу благи симптоми“, рече неговата портпаролка Карин Жан-Пјер во соопштението.
Таа додаде дека Бајден (79) почнал да се лекува со антивирусен лек Паксловид.
Жан-Пјер појасни дека претседателот ќе оди во изолација во Белата куќа и ќе продолжи да ги извршува сите свои должности за тоа време.
Медицинската служба ќе ги извести сите контакти на Бајден во текот на денот, вклучително и пратениците кои патуваа со претседателот во средата.
Белата куќа ќе обезбедува дневни ажурирања за здравјето на претседателот, додаде Жан-Пјер.
