Украинскиот претседател Володимир Зеленски го повика Западот да и обезбеди на Украина повеќе оружје, вклучително и борбени авиони, за да обезбеди подобра воздушна одбрана по најновите руски ракетни напади врз станбени згради во Украина, во кои загинаа најмалку 25 лица во петокот, германската агенција ДПА. .
„Провоздушна одбрана, модерни воздушни сили, без кои е невозможна ефективна воздушна одбрана, артилерија, оклопни возила. Сè што е неопходно за да се обезбеди безбедноста на нашите градови, нашите села, и во внатрешноста и на линијата на фронтот“, рече украинскиот претседател Володимир Зеленски во видео обраќањето во петокот вечерта.
Тој истакна дека најмалку 23 лица, меѓу кои четири деца, се убиени во нападот во градот Уман во петокот рано наутро. Во областа Днепропетровск, мајка и нејзината тригодишна ќерка загинаа во руски напади.
Според Зеленски, противвоздушната одбрана на Украина спречила многу поголем број цивилни жртви, пресретнувајќи 21 од 23 руски проектили.
Министерот за одбрана Олексеј Резников во петокот објави дека подготовките за долгонајавуваната пролетна офанзива на Украина се при крај.
Генералниот секретар на НАТО Јенс Столтенберг изјави во четвртокот во Брисел дека сојузниците и партнерите на НАТО досега и обезбедиле на Украина 1.550 оклопни возила и 230 тенкови и дека овие испораки претставуваат повеќе од 98 отсто од борбените возила ветени на Украина во рамките на меѓународната контакт група предводена од САД.
