Синоќа стотици граѓани го блокираа влезот на Народниот театар „Иван Вазов“ во Софија, а дел од нив влегоа во зградата и се конфронтираа со директорот Васил Василев и со продуцентот на претставата во која игра холивудската ѕвезда Џон Малкович, „Оружје и човекот“.
Малкович настапи со претстава заснована на текстот на Бернард Шо, познат како пародија на национализмот и империјализмот.
Според бугарскиот портал Факти, Малкович изјавил дека не го разбира бугарскиот јазик и дека не може да го сфати проблемот.
Тие сметаат дека претставата е навреда за националните и христијанските вредности и дека Василев дозволил таква содржина.
За време на инцидентот, очилата на актерот Владо Пенев биле скршени, директорот на театарот завршил со искината кошула и вратоврска, а пред театарот бил нападнат познатиот режисер и сценарист Тео Ушев.
