Рускиот претседател Владимир Путин денеска ќе одржи говор за состојбата на нацијата пред двата дома на рускиот парламент.Во говорот, тој се очекува да ги изнесе целите на Русија за втората година од нејзината инвазија на Украина. Руските режимски медиуми наведуваат дека Путин ќе ги информира политичките и воените елити за ситуацијата со „специјалната воена операција“ (како што Кремљ ја нарекува војната во Украина).
Обраќањето на Путин доаѓа во симболичен момент, само неколку дена пред првата годишнина од почетокот на руската инвазија на Украина. „Во таков клучен и сложен момент од нашиот развој и нашите животи, сите чекаат порака со надеж дека ќе слушнат проценка за она што се случува, проценка за специјална воена операција“, изјави вчера портпаролот на Путин, Дмитри Песков.
Кремљ најави дека Путин ќе даде и своја „анализа на меѓународната ситуација“ и „да ја претстави својата визија за развојот на Русија“ откако Западот воведе санкции кон таа земја. Говорот на Путин треба да започне во 10 часот по хрватско време.
Подоцна во текот на денот, Кремљ најави одржување на „прославен концерт“ на стадионот Лужники.
