Повеќе медиуми, политички партии, ДКСК, Јавното обвинителство, како и невладиниот сектор и експертите искажаа сериозни сомнежи за корупција при изборот на фирмата за надзор над спроведувањето на градежните активности од „Бехтел и Енка” на коридорите 8 и 10 д, како и на целокупниот процес каде со тимот за подготовка на проектот раководеше Артан Груби. Неговото поставување за координатор за спроведување на овој грандиозен проект, за кој граѓаните ќе одвојат над 1,6 милијарди евра, само ги потврдува сомнежите за корумпираност на власта во целина и подготовка за грабеж со огромни димензии – реагира Демократски сојуз со соопштение.
„Го повикуваме премиерот Димитар Ковачевски да ја преиспита и да ја повлече одлуката за назначување на Артан Груби за координатор на проектот. Државните институции да го истражат овој проект и коруптивните елементи поврзани со него и да отворат кривично правен процес против инволвираните во криминал. Инсистираме Државниот завод за ревизија да направи вонреден надзор и да ги провери сите досегашни активности на власта поврзани со коридорите 8 и 10 д, како и проектот во целина и вклучувањето на „Бехтел и Енка“, со директна спогодба.
Тоа го бараме за да се спречи грабеж и по којзнае кој пат“ – се вели во соопштението на Демократскиот сојуз.
