Почнува сезоната на грип, настинки и кивање. Покрај класичните симптоми како течење на носот, кивање или треска, чест симптом на овие болести е и болките во грлото.
Наместо фармацевтски препарати и лекови, со воспалено грло можете да се борите од удобноста на вашиот дом и ќе ви бидат потребни само две состојки кои сигурно ги имате.
Иако можеби изгледа како старомоден метод, модерната медицина ги потврдува нејзините многубројни предности, пишува Net.hr.
Зошто гаргарањето со солена вода е ефикасно?
Гаргарањето со солена вода делува од неколку причини. Солената вода помага да се намали отокот и воспалението во грлото со извлекување на вишок течност од ткивата. Солта има и благи антибактериски и антивирусни својства кои можат да помогнат во борбата против инфекциите.
Ако се работи за бактериска инфекција, солената вода помага да се врати рамнотежата на pH во устата и грлото, создавајќи неповолна средина за раст на бактериите. Конечно, гаргарањето со солена вода помага да се олабави насобраната слуз во грлото и дишните патишта за полесно да се искашла.
Како да направите гаргара со солен раствор?
Повторувајте ја оваа постапка неколку пати на ден, а доколку проблемите со грлото не престанат по една недела или се појават други симптоми како висока температура, отежнато голтање или бели дамки на крајниците, побарајте лекарска помош.
Истурете приближно 200 ml топла вода во чашата. Ќе ви треба топла вода бидејќи, покрај тоа што помага да се раствори солта, е попријатна и за иритираното грло.
Потоа додадете една лажичка сол во топлата вода и добро измешајте.
Ако имате силна иритација и чувствително грло, можете да ставите помалку сол доколку е потребно или да додадете други состојки како мед за да ја олесните иритацијата.
Откако солта ќе се раствори во водата, гаргара со овој раствор 10 до 15 секунди, а потоа исплукајте го.
