Бриселски „Политико“ објави текст во кој се наведува дека американскиот претседател Џо Бајден во една неформална прилика го нарекол премиерот на Израел Бенјамин Нетанјаху „ебено лошо момче“. „Политико“ тврди дека се повикува на извори кои наводно разговарале со американскиот претседател.
Набрзо, портпаролот на американскиот претседател Ендрју Бејтс ги негираше овие наводи и рече дека „претседателот не го кажал тоа, ниту дека би го рекол тоа“.
Веста заедно со демантот на Белата куќа го објави и израелскиот медиум „Тајмс оф Израел“.
Односите меѓу двете земји во последно време се нестабилни, американскиот претседател сé уште го поддржува решението за Израел и Палестина, што подразбира формирање на две држави. Тој предлог беше отфрлен од израелскиот премиер Нетанјаху.
