Министерот за внатрешни работи Ивица Дачиќ изјави дека тврдењата на организацијата за заштита на човековите права Амнести интернешенел, дека полицијата во Србија и разузнавачките служби користат шпионски софтвер за следење телефони на новинари и активисти, се неосновани и претставуваат напад врз безбедносните практики во Србија. .
Тој на телевизија Пинк демантираше дека полицијата вметнувала некаква програма во мобилните телефони на приведените новинари и активисти.
„Никој никогаш не тврдел дека нашите безбедносни практики се толку технолошки напредни. Ова обично се зборува за Соединетите Американски Држави (…) Тие технолошки алатки ги добивме како донација од Запад и сите ги користиме според законот“, рече Дачиќ.
Амнести интернешенел вчера објави дека Безбедносно-информативната агенција (БИА) и Министерството за внатрешни работи (МУП) користат мобилни форензички производи од израелската компанија „Селебрит“ за извлекување податоци од мобилните уреди на новинарите и активистите.
БИА и МУП ги отфрлија тие наводи.
